Rusizi : Uwari umukozi wa Wasac yanizwe n'inyama arapfa
HEZA
Umugabo witwa Sibobugingo Anastase wari umukozi wa WASAC, wari ucumbitse mu mudugudu wa Giheke akagari ka Wimana Umurenge wa Giheke mu karere ka Rusizi, yamize inyama imuheza umwuka arapfa.
Ibi byabaye kuri uyu wa 28/12/2022 ubwo nyakwigendera yasangaga mugenzi we atetse inyama, agafata imwe ayimize iramuhagama umwuka urahera guhumeka bimubera ingorabahizi.Bahise bamwihutana ku kigo nderabuzima cya Giheke bakihagera yahise apfa.
Umunyamabanga nshingwabikorwa w'umurenge wa Giheke, Hategekimana Claver yahamirije Umuseke.rw dukesha iyi nkuru , koko aya makuru ari yo .
Yagize ati:" Aya makuru y' Urupfu rwa Sibobugingo Athanase ni yo, byabaye saa moya z'umugoroba , bibera mu mudugudu wa Giheke kagari ka Wimana Umurenge wa Giheke."
Umurambo wa nyakwigendera uri mu buruhukiro bw'ibitaro bya Gihundwe mu gihe bategereje gushyingura .Giheke ni umwe mu mirenge 18 igize akarere ka Rusizi.
Emmanuel Nsengumuremyi /Rusizi
