Nyamagabe: Abakoresha gare ya Gasarenda babangamiwe no kuyinyagirirwamo.

Bamwe  mu bakoresha  gare  ya  Gasarenda  iherereye mu murenge  wa Tare mu karere  ka  Nyamagabe , bavuga ko  babangamiwe  no  kunyagirirwa  muri  iyi gare  ndetse  ikaba itanafite  aho  abagenzi  bugama bategereje imodoka, dore ko  hari nubwo usanga  yuzuyemo  amazi  igihe imvura yaguye.

Abaturage  baganiriye na Rwandanews24, bavuga  ko  iyo  imvura  ikubye  usanga  nta mugenzi  n'umwe uri  muri  iyi gare  kuko bose  ngo bahita  bajya  gushaka  aho  bugama  hanze ,  batinya  kunyagirirwamo. Agira ati'' Muri Gare  ya  Gasarenda  ntihari ikibazo cy'uko  huzuramo  amazi  gusa , ahubwo  ntinubakiye urabona  nta  muntu  n'umwe  urimo  , kuko ntaho  kugama  hahari. Turifuza  ko  nubwo yaba itarashyirwamo  icyatuma  aya mazi  atareka, ariko baduha aho kugama''.

Mukamana  wari  utegereje  mugenzi  warimodoka  yerekeza  mu mujyi  wa Nyamagabe,  waganiriye  n'iki kinyamakuru  dukesha  iyi  nkuru  avuga  ko  kuba gare  itubakiye , binagira  uruhare  mu ibura  ry'imodoko muri aka gace . Ati '' uretse  umunsi  w'isoko  nibwo  hano haza imodoka  ubundi  hakorera  iz'ikigo  kimwe nazo zigasimburana  ari  ebyiri gusa. Banenga  uko iyi  gare  imeze kandi  imodoka  zabo zishobora gukomeza zijya  mu mujyi  wa Huye , bakaba banga  ko zagenda  zuzuye ibyondo''.

Ni ikibazo  kandi kinavugwa  n'undi muturage  wo  muri  uyu murenge  wa Tare nawe waganiriye na Rwandanews24, uvuga  ko  ubonye  iyi gare imvura yaguye wagira  ngo  yangijwe  n'ibiza, ariko  ngo  siko bimeze kuko yamye  yubatse  nabi. Ati '' mu gihe  cy'im,vura  yuzura  amazi , naho  mu gihe cy'izuba ikuzura  ivumbi ku buryo  bukabije,iyo  moto inyuzemo cyangwa imodoka  ihagurutse ugira ngo ni igihu cyabuditse''.

umuyobozi  wungirije  w'akarere  ka  Nyamagabe ushinzwe iterambere  ry'ubukungu ,  Habimana  Thaddee aganira  n'iki kinyamakuru  yavuze  ko ikibazo  cy'iyi gare  bakizi  kandi  ko barimo kugishakira  umutu  urambye. Agira ati ''Ibyo abakoresha  iyi gare  bavuga biragaragara  kandi  turakizi , rero  turimo gushaka  uburyo  twayubaka , ikibazo cyayo kiga cyemuka ku buryo burambye, kandi  tuzayubaka  umwaka utaha mu ngengo y'imari  y'umwaka wa 2023''.

usibye  kuba  iyi gare itanubakiye  nta n'inyubako z'ubucuruzi  zirimo nk'uko bimeze  mu bindi  bigo  abagenzi bategeramo gare. Icyakora  ubuyobozi bw'aka karere butanga icyizere ko iyi gare  ubwo izaba yubatswe n'izi nyubako zizaba zirimo.

source: Rwandanews24