Abahitanywe n'imvura bamaze kuba 109 mu ntara y'i Burengerazuba n'amajyarugu

Mu kiganiro yagiranye na radiyo Rwanda , umuyobozi  w'intara  y'u Burengerazuba Habitegeko  François  yatangaje  ko  muri iyi ntara  abantu 95 aribo bamaze kumenyekana ko bitabye Imana bazize  ibiza, byatewe n'imvura yaguye kuva  ku mugoroba  wo ku itariki ya 2 Gicurasi 2023kugeza mu gitondo  cyo kuri uyu wa gatatu  tariki ya 3 Gicurasi 2023.

Uturere  twibasiwe muri iyi ntara ni Rubavu, Ngororero ,Rutsiro , Karongi na Nyabihu.

iyi  mvura kandi ikaba yanatumye hari imihanda imwe n'imwe  yafunzwe  ihuza ibice by'uturere twa Rubavu, Rutsiro , Nyabihu na Karongi. Guverineri Habitegeko yavuze ko barimo gukora  ibishoboka byoose bafatanyije n'izindi nzego  ngo ahakeneye ubutabazi buboneke.

Mu ntara y'amajyepfo  naho  hari imihanda  imwe n'imwe  yafunzwe kubera  ibiza byaturutse ku mvura nyinshi  yatumye  umugezi  wa Mwogo wuzura, usanzwe uhuriweho n'akarere ka Nyanza, Ruhango na Nyamagabe.

Guverineri  Kayitesi Alice avuga ko kugeza ubu abantu 2 bo mu murenge  wa Tare karere ka Nyamagabe aribo bamaze kumenyekana ko bishwe n'ibiza, bagwiriwe n'inzu.

Mu ntara y'Amajyaruguru  abahitanywe  n'iyi mvura bamaze kumenyekana ni 14

Ubwanditsi