Ruhango : Baratabariza ufite ubumuga bwo mu mutwe uhora ataka ko ahohoterwa n' abamusambanya

Mu isanteri y'ubucuruzi   ya  Rwankuba  iherereye  mu murenge  wa Kabagari  mu karere  ka  Ruhango, hari umugore ufite  ubumuga  bwo  mu mutwe  uvuga  ko hari  abagabo  bamusanga  aho  arara  ku gasozi  bakamusambanya, icyakora  nubwo  ngo kubera  uburwayi  afite  kwizera  ibyo  avuga  abaganiriye  na  TV  na Radio  one bavuga  ko  aya makuru  ari  ukuri  kuko  ngo  hari  n'abatorotse  bakekwaho  kumusambanya.

 Umwe  mu baganiriye  n'ibi bitangazamakuru  avuga  ko  iby'umurwayi  ahora ataka  avugai  bishoboka  ko  ari  ukuri . Agira ati ''  Rwose ibyo avuga  ni ukuri  nigeze kubyumva  hano  ngo baramusambanyije , hari  abacitse  bagira ngo  babafate  nta n'utabizi , uretse  ko baducitse  ariko nibongera  dufatanyije na gitifu  w'akagari  tuzabafata''.

Abaturage  baratabariza uyu mugore ufite ikibazo cy'uburwayi  bwo mu mutwe  uhora ahohoterwa

Undi  muturagebaturage  baratabariza  uyu mugore  uhohoterwa  ufite uburwayi bwo mu mutwe nawe aganira  na Tv na Radio one  yavuze  ko  ababikora  baba  baragiye  mu  bapfumu  bakababwira  ko  uryamanye  n'umurwayi  ufite uburwayi  bwo  mu mutwe ahita akira. Ati'' Abo ngabo  babikora  baba  baragiye mu bapfumu bakababwira ko uwaryamanye n'ufite uburwayi  bwo mu mutwe  ahita akira , akagura  inka nyinshi  ndetse  n'amamodoka , nk'uriya  buriya bamuhohotera  nijoro  twatashye  kuko arara  ku gasozi  bagahita babimukorera niyo mpamvu  nyine  usanga  afite agahinda kenshi''.

Ku ruhande rw'ubuyobozi  bw'akarere  ka Ruhango , Gasasira  FranÇois Regis umunyamabanga nshingwabikorwa  w'uyu murenge wa Kabagari , aganira  n'ibi  bitangazamakuru ku murongo  wa Telefone, yavuze ko  ibyo  kuba  uyu  murwayi  asambanywa  atari  abizi  kuko  ngo  atanamaze  igihe  muri iyi santeri. Icyakora  ngo  bagiye kureba  uburyo bafatanyije  n'ikigo  nderabuzima  cya Karambi  yagezwa  kwa muganga. Ati'' Turimo  turabikurikirana  ku bufatanye  n'ikigo nderabuzima n'ibitaro  bya  Gitwe  ndetse n'inzego z'umutekano turebe ko  yagezwa  ku bitaro  i Butare  aho abasha gukurikiranirwa.Twaramumenye ntabwo ahamaze iminsi hariya nta n'icyumweru arahamara  turimo kubikurikirana''.

Abajijwe  n'umunyamakuru  wa Tv1 ibyo abavuga  ko asambanywa  uyu  munyamabanga nshingwabikora yasubije  ko atari abizi. Ati'' Oya ntabwo  icyo cyo  nari nkizi , byaba  biteye  agahinda  turabikurikirana  tumenye ibyo  aribyo''.

usibye  kuba  uyu  mugore  akorererwa  ihohoterwa  ryo  gusambanywa  abaturage  banavuga ko anakorerwa  ihohoterwa  ryo  gukubitwa , dore ko hari  n'abamukubita  nk'igihe  yiyambuye  imyambaro  akambara  ubusa  aho  kumuha  imyenda ngo  yongere yambare. Aha  ni naho  bahera basaba  ubuyobozi kumujyana  kwa muganga  akavuzwa dore ko batazi  n'aho  yaje  aturuka.

Jeanne@heza.rw