Ruhango : Inzego z'ibanze ziyemeje kurwanya ihohoterwa no kongera ubukangurambaga mu baturage

Kuri  uyu wa gatatu  tariki ya 23 werurwe  2022 mu karere  ka  Ruhango  habereye  ibiganiro  byateguwe ku bufatanye  bw'intara y'Amajyepfo , akarere ka Ruhango  ndetse  n'urwego  rw'Igihugu  rushinzwe kugeenzura  ihame  ry'uburinganire GMO , ibi ibiganiro  byavugaga  ku ruhare  rw'inzego  z'ibanze  mu kwimakaza ihame  ry'uburinganire.

Ibi biganiro  byari  biyobowe  na  Guverineri  w'intara  y'Amajyepfo  Kayitesi  Alice  yavuze  ko  hagiye  hagaragara  ubumenyi buke  ku ihame  ry'uburinganire ,  bigateza  amakimbirane mu miryango. Gutegura  ibiganiro  nk'ibi  ngo  ni  ukongerera  ubumenyi  abayobozi  b'inzego  z'ibanze  kuko  ari  bo  bahura  n'abaturage  umunsi ku wundi ,  bityo  bakarushaho  kubasobanurira.

Guverineri  Kayitesi  avuga  ko  bagiye  kongera  ubukangurambaga  mu baturage  bakamenya  neza  ihame  ry'uburinganire  ndetse  no  kurwanya  ihohotera  iryo  ariryo  ryose. Ati '' Hagiye  hagaragara  ikibazo  cy'ubumenyi  bucye  mu nzego  z'ibanze  k andi ari zo nzego zegereye  abaturage, ari na zo  zigomba  kubafasha  mu gihe  habaye  ibibazo  n'ihohoterwa. Nyuma  y'ibi biganiro  tugiye  kongera  ubukangurambaga  mu baturage , haba  mu nama , haba mu nteko z'abaturage no mu yandi  mahuriro  aduhuza  n'abaturage , kuko usanga  hari  ahakiri ikibazo  cyo  kwihambira  ku muco ,  umugore  yahohoterwa  ugasanga  ngo  ntibikwiye  kuvugwa  kwaba  ari  ugusebya  umuryango  rero tugiye  kureba  n'uko  ibipimo  byazamuka  binyuze muri  ubu bukangurambaga.''

Guverineri  Kayitesi  Alice  avuga  ko  bagiye  kongera ubukangugrambaga  mu baturage

Ntabareshya Oscar umukuru  w'umudugudu  wa Gisiza  mu kagari ka  Kigarama  , avuga  ko  ihohoterwa  riba  yaba  umwana  wahohotewe  cyangwa  umugore  ugasanga  imiryango  ishaka  ku  bihishira. Ati'' mu miryango  niho  bipfira  usanga rya hishira  mu giturage  cyacu  rihari cyane  mu miryango  banga  ko bimenyekana, ariko  iyo  twabimenye  turabigaragaza  tukabibwira  ubuyobozi  bw'akagari. Ariko hari  ubwo usanga  baduhiga  kuko  twabigaragaje  ngo uriya  mudugudu yashatse kudufungisha cyangwa  kudufungishiriza  umwana''.

uyu mukuru  w'umudugudu  kandi  akomeza  avuga  ko  hari  abagore bagihohoterwa  kubera ko  biterwa  n'abantu bakuze bababwira ko ari  ko ingo zubakwa  ko  kuva  na kera  umugore yakubitwaga, kandi  agakomeza  akubaka  nta  kibazo.

ku ruhande rwa GMO  Rose  Rwabuhihi  umuyobozi  w'uru  rwego avuga  ko  ikibazo  cy'ihohoterwa kireba  umuyobozi  wese  kuko  biri  mu nshingano  ze  kureba  ikibazo  icyo  aricyo  cyose  cyabangamira  umuturage. Yaba  umugore  yaba umugabo  bose  ibitekerezo byabo  birubaka  kandi  buri  wese  aba  afite igitekerezo  cyafasha  abandi. Agira ati ''Turashimira Igihugu  cyacu  cyashyizeho  amategeko  na politiki nziza  yo  kwimakaza  ihame  ry'uburinganire. Ariko  haracyari  ikibazo  cy'amarangamutima  aturutse  ku kuntu  twakuze  twese, ukumva amashuri  y'umwana w'umukobwa  ntacyo  avuze, gufata  umwana  bakabasambanya  urumva  umuhaye ikintu atarageza igihe  cyo  gukora  kuko aracyari  muto. Ni ngombwa  ko  buri  wese  izo nshingano  azumva  nk'ibyiza Igihugu  gifite. Igihe  hari  umunyarwanda udahabwa uburyo  bwo  gukorera  Igihugu cye, umuryango  we  nawe  ubwe ,  akakivutswa  kuko  ari umugore cyangwa  ari  umugabo icyo gihe  uba wishe  amategeko y'Igihugu, uba  wishe ihame  ry'uburinganire kandi nawe ntushobora  gutera  imbere ukora  gutyo''.

Rose Rwabuhihi  umuyobozi  wa GMO avuga  ko buri wese akwiye  kumva ihame  ry'uburinganire

Ibi biganiro  byari  byitabiriwe  n'inzego z'ibanze  kuva  k'umudugudu  kugeza  kuri komite  nyobozi  y'akarere  ka  Ruhango, Umuyobozi  w'intara y'Amajyepfo , umuyobozi  mukuru wa GMO ndetse  n'umuyobozi mukuru wungirije, n'umuyobozi   ushinzwe

ubushakashatsi  muri RGB.

Meya Habarurema  Valens  nawe  yari yitabiriye  ibi biganiro

Abayobozi  mu nzego  z'ibanze mu karere ka Ruhango ,kuva  ku mudugudu  kugeza  ku karere  bari bitabiriye  ibiganiro

Jeanne @heza.rw