Rubavu: Abana babiri bishwe n'inkangu yabereye ku musozi wa Huye
HEZA
Nk'uko tubikesha urukuta rwa twitter rw'urwego rw'Igihugu rushinzwe itangazamakuru RBA , abana babiri nibo bamaze kumenyekana ko bishwe n'inkangu yabereye ku musozi wa Huye ku nyundo i Rubavu.
Amakuru atangwa n'abaturage avuga ko umwe yari afite imyaka itanu undi itandatu, bakaba bagwiriwe n'uyu musozi ubwo bari bari kuvoma amazi ku iriba riri munsi yawo.
Umuyobozi w'akarere ka Rubavu Kambogo Ildephonse yatangarije RBA ko ikibazo cy'inkangu zibera mu kagari ka Kagombo kigiye kwiganwa ubushishozi, hagaterwa ibiti ndetse n'abaturage bahatuye bakimurwa.
Kugeza ubu ibikorwa byo gushakisha aba bana babiri , bivugwa ko bishwe n'iyi nkangu bikaba bigikomeje.
Inkangu yo ku musozi wa Huye yahitanye abana babiri.Photo/RBA
Abana babiri nibo bamaze kumenyekana ko bishwe n'iyi nkangu. Photo/RBA
