Rutsiro : Abakozi 5 b'akarere birukanwe

Amakuru  yabyutse  acicikana mu karere  ka Rutsiro avuga ko  abakozi 5 baherutse  gufatanwa  imyenda yari  yagenewe gufasha  abagizweho ingaruka  n'ibiza  biherutse  kwibasira  aka karere ka Rutsiro.

Ikinyamakuru  Rwandanews24 cyanditse  ko mu nama y’umutekano itaguye y’aka karere yateranye ku mugoroba wo kuri uyu kabiri, tariki 16 Gicurasi 2023, ariyo yafatiwemo umwanzuro wo kwirukana aba bakozi burundu hatitawe ko Urukiko rushobora kubagira abere, bikarangira bashoye akarere mu manza.

Andi makuru yageze kuri Rwandanews24 akomeje guhwihwiswa ngo ni uko Ubuyobozi bw’akarere bwafashe uyu mwanzuro bubigiriwemo inama na Minisitiri w’Intebe, Dr. Ngirente Eduard kubera ikimwaro aba bakozi bateje akarere.

Aba bakozi birukanwe, tubibutse ko batawe muri yombi ku mugoroba wo kuwa 14 Gicurasi 2023, bakekwaho kwiba imyenda yogufasha abahuye n’ibiza.

Abakozi birukanwe ni Ndungutse Jean Pierre na Muhawenimana Claudine basanzwe ari abakozi b’urwego rwunganira akarere mu by’umutekano rwa DASSO.

Mujawamariya Nathalie, Umukozi w’akarere ushinzwe ibihingwa ngenga bukungu nawe ni umwe mu birukanwe we na Uwamahoro Eugenie ushinzwe Amakoperative.

Umuyobozi w’akarere ka Rutsiro, Murekatete Triphose yaherukaga guhamiriza Rwandanews24 iby’ifungwa ry’aba bakozi ariko yirinze  kugira icyo  atangaza ku makuru yo kwirukwanwa  kw'aba bakozi, kuko haba haba mu butumwa bugufi kuri terefone ngendanwa no kuri Whatsapp baandikiye  umuyobozi w’akarere n’abamwungirije nta n'umwe wabashije gusubiza iki kinyamakuru dore  ko batigeze bitaba telefoni.

ivomo: Rwandanews24